उदगीरात तीन तर जळकोट मधुन एकजण कोरोना बाधित

उदगीरात तीन तर जळकोट मधुन एकजण कोरोना बाधित उदगीर/प्रतिनिधी कोरोनाचा फैलाव मोठ्या प्रमात वाढत असुन उदगीर पाठोपाट जळकोट मध्येही कोरोनाने शिरकाव केला आहे. उदगीर उपजिल्हा रुग्णालयातुन आज नऊ व्यक्तीचे स्वॅब तपासणीसाठी पाठविण्यात आले होते. त्यापैकी ६ व्यक्तींचे अहवाल निगेटिव्ह आले तर तीनजण कोरोना बाधित असल्याची माहिती विलासराव देशमुख शासकीय विज्ञान संस्थेचे अधिष्ठाता, डॉ. गिरीष ठाकुर यांनी दिली. उदगीर शहरातील दुसर्‍या कोरोना बाधित व्यक्तीचा मुत्यू झाल्यानंतर शहरात भितीचे वातावरण असुन परतीचा प्रवास करणार्‍यांकडु कोरोनाचा धोका वाढतो आहे.आज दि. १७ मे रोजी विलासराव देशमुख शासकीय वैद्यकीय विज्ञान संस्थेत आज एकुण ७८ व्यक्तींचे स्वॅब तपासणीसाठी आले होते. त्यापैकी विलासराव देशमुख शासकीय वैद्यकीय विज्ञान संस्थेतील ११ व्यक्तींचे स्वॅब तपासणीसाठी आले असून त्यापैकी २ व्यक्तींचे अहवाल पॉझिटिव्ह आले असून ते दोघेही मुंबई येथून प्रवास करून आलेले व्यक्ती आहेत. ९ व्यक्तींचे अहवाल निगेटीव्ह आले आहेत. उपजिल्हा रुग्णालय, उदगीर येथुन एकुण ९ व्यक्तींचे स्वॅब तपासणीसाठी आले होते त्यापैकी ६ व्यक्तींचे अहवाल निगेटीव्ह आले असुन ३ व्यक्तींचे अहवाल पॉझिटिव्ह आले आहेत. जळकोट येथील एका व्यक्तींचे स्वॅब तपाणीसाठी आला होता त्या व्यक्तींचा अहवाल पॉझिटिव्ह आला आहे. बीड येथील २९ व्यक्तींचे स्वॅब तपासणीसाठी आले होते त्या २२ व्यक्तींचे अहवाल निगेटीव्ह आले असून ७ व्यक्तींचे अहवाल पॉझिटिव्ह आले आहेत व उस्मानाबाद येथील २८ व्यक्तींचे स्वॅब तपासणीसाठी आले होते त्यापैकी २५ व्यक्तींचे अहवाल निगेटीव्ह आले असुन ३ व्यक्तींचे अहवाल पॉझिटिव्ह आले आहेत असे एकुण ७८ व्यक्तींचे स्वॅब तपासणीसाठी आले होते त्यापैकी ६२ व्यक्तींचे अहवाल निगेटीव्ह आले असुन १६ व्यक्तींचे अहवाल पॉझिटिव्ह आले आहेत. अशी माहिती विषाणु संशोधन व निदान प्रयोगशाळेचे प्रमुख तथा सहयोगी प्राध्यापक सुक्ष्मजीवशास्त्र विभाग डॉ. विजय चिंचोलकर व विलासराव देशमुख शासकीय विज्ञान संस्थेचे अधिष्ठाता, डॉ. गिरीष ठाकुर यांनी दिली. उदगीरात तीन तर जळकोट मधुन एकजण कोरोना बाधित